Падчас вучэбных збораў па падрыхтоўцы да заключнага этапу рэспубліканскай алімпіяды, якія адбываліся ў Мінскім абласным інстытуце развіцця адукацыі, вучні ўстаноў адукацыі Міншчыны прынялі ўдзел у разнастайных мерапрыемствах, прымеркаваных да Міжнароднага дня роднай мовы ў 2020 годзе.
13 лютага школьнікі Міншчыны былі запрошаны ў Інстытут мовазнаўства імя Якуба Коласа, дзе адбылося афіцыйнае адкрыццё Школы юнага лінгвіста, прэзентацыя новых слоўнікаў. У рамках вучэбных збораў для алімпіёнікаў таксама адбылося наведванне Літаратурнага музея П. Броўкі, Рэспубліканскага тэатра беларускай драматургіі, археалагічнай навукова-музейнай экспазіцыі Інстытута гісторыі НАН Беларусі.
У Міжнародны дзень роднай мовы заклікаем усіх неабыякавых: «Пачніце размаўляць па-беларуску – і ў вас атрымаецца. Няхай сярод нас стане шмат людзей, якія размаўляюць па-беларуску!»
Фотогалерея:
