Удзельнікамі злёту стала каманда «Нашчадкі» ДУА «Вілейская гімназія № 2» пад кіраўніцтвам Ірыны Уладзіміраўны Арловіч, настаўніка гісторыі і грамадазнаўства.
У рамках рэспубліканскага злёту краязнаўцаў прайшлі:
конкурс «Візітка каманды» (каманда прадставіла адметныя асаблівасці свайго рэгіёна, установы адукацыі, а таксама інтарэсы і захапленні ўдзельнікаў каманды);
краязнаўчая канферэнцыя навучэнцаў «Таямніцы малой Радзімы» (удзельнікі каманд прадэманстравалі даследчыя работы па тэме вывучэння малой радзімы);
конкурс «Гадоў былых жывая памяць» (каманда сцэнічна (тэатралізавана) прадставіла важную падзею перыяду Вялікай Айчыннай вайны, якая адбывалася на тэрыторыі малой радзімы (населенага пункта, сельскага савета, мікрараёна);
квэст-гульня «Пазнай свой край» (удзельнікі злёту выконвалі розныя па ўзроўні складанасці заданні на веданне гістарычных, культурных і прыродных асаблівасцей краіны);
конкурс-прэзентацыя «Сем цудаў маёй малой радзімы» (каманды прэзентавалі турыстычныя рэсурсы і магчымасці свайго краю, найбольш цікавыя, значныя аб’екты).
У рамках адукацыйна-экскурсійнай праграмы злёту юныя краязнаўцы пазнаёміліся з гісторыяй беларускага тэлебачання і радыё, наведаўшы Белтэлерадыёкампанію, а таксама аддалі даніну памяці ахвярам фашызму і той трагедыі, якая адбылася на нашай зямлі падчас наведвання мемарыяльнага комплексу «Трасцянец».
За ўдзел у краязнаўчай канферэнцыі «Таямніцы малой Радзімы» дыпломы лаурэатаў атрымалі Бяроза Дар’я, Жлобіч Дар’я і Ярмоленка Аляксандр.
Таксама каманда Мінскай вобласці адзначана дыпломам лаўрэата за ўдзел у рэспубліканскім злёце юных краяведаў.
Жадаем юным краязнаўцам далейшых поспехаў і новых перамог!
Фотогалерея:
