Мерапрыемства прайшло ў фармаце педагагічнай майстэрні па тэме «Удасканаленне работы з адоранымі навучэнцамі: стратэгія пабудовы індывідуальнай траекторыі вучня ў працэсе падрыхтоўкі да рэспубліканскай алімпіяды». Удзел у ім прынялі старшыні раённых ВМА з усёй Мінскай вобласці, метадысты, кіраўнікі рэсурсных цэнтраў і настаўнікі-практыкі.
З прывітальным словам да ўдзельнікаў звярнулася Чумак Алена Георгіеўна, метадыст вучэбна-метадычнага аддзела грамадска-гуманітарных дысцыплін ДУА «Мінскі абласны інстытут развіцця адукацыі». Яна акрэсліла асноўныя задачы сустрэчы і падкрэсліла важнасць сістэмнага падыходу да работы з адоранымі навучэнцамі.
Асноўная частка майстэрні была прысвечана практычным пытанням падрыхтоўкі да рэспубліканскай алімпіяды:
Рагіла Антаніна Уладзіміраўна, метадыст ДУ «Вучэбна-метадычны кабінет Мінскага раёна», Тарасевіч Вячаслаў Леанідавіч, старшыня раённага ВМА Мінскага раёна, Караткевіч Вольга Міхайлаўна, кіраўнік раённага рэсурснага цэнтра, прадставілі стратэгію пабудовы сістэмы падрыхтоўкі да алімпіяды ў Мінскім раёне;
Некраш Юлія Іванаўна, настаўнік ДУА «Міханавіцкая сярэдняя школа», правяла майстар-клас «Цьютарскае суправаджэнне адораных навучэнцаў», падчас якога падзялілася канкрэтнымі прыёмамі індывідуальнай работы з вучнямі;
Чашун Рэгіна Генадзьеўна, кіраўнік раённага літаратурна-творчага аб’яднання «Купалінка», прадставіла прэзентацыю работы аб’яднання, накіраванага на фарміраванне цікавасці да вывучэння беларускай мовы і літаратуры.
Завяршылася педагагічная майстэрня панэльнай дыскусіяй «Як матываваць педагогаў да працы з адоранымі навучэнцамі: стымулы і бар’еры», якую правяла Чумак А.Г. Удзельнікі актыўна абмяркоўвалі праблемы матывацыі педагогаў і шляхі іх пераадолення.
Па выніках педагагічнай майстэрні:
- вызначаны эфектыўныя стратэгіі падрыхтоўкі да рэспубліканскай алімпіяды;
- папоўнены банк метадычных матэрыялаў для работы з адоранымі навучэнцамі;
- распрацаваны рэкамендацыі па арганізацыі індывідуальнага суправаджэння;
- матэрыялы мерапрыемства размешчаны ў сеткавай супольнасці АВМА.
Усе ўдзельнікі адзначылі высокі арганізацыйны і метадычны ўзровень правядзення мерапрыемства і практычную накіраванасць прадстаўленага вопыту.
Фотогалерея:
