Выступленне юных чытальнікаў ацэньвала кампетэнтнае журы, ў склад якога ўвайшлі прадстаўнікі Міністэрства адукацыі, Міністэрства інфармацыі, Саюза пісьменнікаў Беларусі, тэлекампаніі СТВ, вядомыя дзеячы культуры і мастацтва.
Па выніках творчага спаборніцтва прадстаўнікі Мінскай вобласці сталі прызёрамі рэспубліканскага конкурсу юных чытальнікаў “Жывая класіка” і былі ўзнагароджаны:
дыпломам IIІ ступені ў 1-й узроставай катэгорыі – Анастасія Шаплыка, навучэнка ДУА “Сароцкая сярэдняя школа Любанскага раёна” (кіраўнік Тамара Яўгеньеўна Статкевіч);
дыпломам IIІ ступені ў 3-й узроставай катэгорыі – Максім Губанаў, навучэнец ДУА “Сярэдняя школа № 2 г. Стоўбцы” (кіраўнік Алена Раманаўна Шабуня);
дыпломам IIІ ступені ў 4-й узроставай катэгорыі – Данііл Емяльянаў, навучэнец ДУА “Рассветаўская сярэдняя школа Клецкага раёна” (кіраўнік Святлана Мікалаеўна Ральцэвіч).
Фіналісты Рэспубліканскага конкурсу юных чытальнікаў “Жывая класіка” ўзнагароджаны дыпломамі Міністэрства адукацыі і Міністэрства інфармацыі Рэспублікі Беларусь, сертыфікатамі на адну змену ў Нацыянальны дзіцячы адукацыйна-аздараўленчы цэнтр “Зубронак”, а таксама памятнымі падарункамі.
Тэлеверсію фіналу можна ўбачыць 6 верасня ў Дзень беларускага пісьменства на тэлеканале СТВ.
Мы ганарымся нашымі ўдзельнікамі,
якія годна прадставілі Мінскую вобласць на рэспубліканскім конкурсе!
Віншуем юных чытальнікаў і іх кіраўнікоў
і жадаем далейшых творчых поспехаў!
Тры школьнікі Мінскай вобласці сталі прызёрамі рэспубліканскага конкурсу «Жывая класіка»
Выкарыстаны фотаматэрыялы з сайта МЛЫН.by
Фотогалерея:
