У рамках праекта запланавана правядзенне абласнога этапу рэспубліканскага конкурсу «Беларусь – мая Радзіма».
Мэта конкурсу: фарміраванне ў моладзі патрыятычных якасцей, паглыбленне пачуцця любові да сваёй краіны праз далучэнне іх да даследавання падзей перыяду Вялікай Айчыннай вайны на тэрыторыі малой радзімы.
Да ўдзелу ў конкурсе запрашаюцца навучэнцы аб’яднанняў па інтарэсах устаноў адукацыі ва ўзросце ад 14 гадоў.
У рамках конкурсу навучэнцы працуюць з архіўнымі дакументамі, матэрыяламі музеяў, з электроннымі базамі дадзеных («Кніга Памяці Беларусі», «Партызаны Беларусі»), абагульненымі банкамі дадзеных (ОБД «Мемарыял», «Памяць народа», «Подзвіг народа») і іншымі пошукавымі інтэрнэт-рэсурсамі і літаратурнымі крыніцамі; арганізуюць сустрэчы з удзельнікамі і відавочцамі падзей ваенных гадоў, іх сваякамі, мясцовымі жыхарамі. Распрацоўваюць экскурсійны маршрут з уключэннем не менш за 6 тэматычных аб’ектаў, размешчаных у межах свайго раёна (горада). Удзельнічаюць у экспедыцыях, паходах і экскурсіях па дадзенаму маршруту, робяць фотаздымкі на маршруце.
Па выніках дзейнасці ствараецца брашура «Беларусь – мая Радзіма», у якой змяшчаецца матэрыял аб «топ-6» аб’ектах ваеннай гісторыі, а таксама земляках, якія зрабілі значны ўнёсак у Перамогу над фашызмам (не менш 2 постацей).
Інфармацыя аб аб’ектах павінна быць прадстаўлена лагічна ў адпаведнасці са структурай: месцазнагоджанне аб’екта, гістарычная даведка, унёсак «выбітных» землякоў у набліжэнне Перамогі. Апісанне аб’ектаў дапаўняецца схемамі, фотаздымкамі, зробленымі на маршруце і інш. Пры выкарыстанні літаратуры неабходна даваць спасылкі ў тэксце (калі матэрыял аўтарскі, то гэта таксама неабходна адзначыць). Інфармацыя аб адным аб’екце павінна займаць не больш 2 старонак.
Пераможцы і прызёры конкурсу ўзнагароджваюцца дыпломамі галоўгага ўпраўлення па адукацыі Мінаблвыканкама.
